Old Pension Scheme: ପୁରୁଣା ପେନସନ ନେବା ପାଇଁ ଜାରି ହେଲା ଫର୍ମ, ଯଦି ଏହି ତାରିଖ ପର୍ଯ୍ୟନ୍ତ ନ ଭରିବେ ତ ମିଳିବନି ପେନସନର ଲାଭ

Old Pension Scheme: ରାଜସ୍ଥାନରେ ପୁରୁଣା ପେନସନ ଯୋଜନା (OPS) କୁ ନେଇ ଏକ ନୂତନ ନିଷ୍ପତ୍ତି ନିଆଯାଇଛି । ରାଜ୍ୟ ସରକାରଙ୍କ ନିଷ୍ପତ୍ତି ଅନୁଯାୟୀ, ରାଜ୍ୟ ବୋର୍ଡ, କର୍ପୋରେସନ୍ ଏବଂ ସରକାରୀ ସହାୟତାରେ ଚାଲୁଥିବା ବିଶ୍ୱବିଦ୍ୟାଳୟର କର୍ମଚାରୀମାନଙ୍କୁ ପୁରୁଣା ପେନସନ୍ (Old Pension Scheme) ଦେବାକୁ ନିଷ୍ପତ୍ତି ନିଆଯାଇଛି ।  ବଜେଟରେ କରାଯାଇଥିବା ଘୋଷଣା ଅନୁଯାୟୀ ଅର୍ଥ ବିଭାଗ ପକ୍ଷରୁ ଏହି ନିର୍ଦ୍ଦେଶ ଦିଆଯାଇଛି । ମ୍ୟୁନିସିପାଲିଟି କର୍ପୋରେସନ୍, ୟୁଆଇଟି, ପାୱାର୍ କମ୍ପାନୀ, କର୍ପୋରେସନ୍, ବୋର୍ଡ, ସରକାରୀ କାର୍ଯ୍ୟ ଏବଂ ବିଶ୍ୱବିଦ୍ୟାଳୟର କର୍ମଚାରୀମାନେ ଏହି ପରିସରକୁ ଆସିବେ । ଏହି ଅନୁଷ୍ଠାନରେ କାର୍ଯ୍ୟ କରୁଥିବା ବ୍ୟକ୍ତିଙ୍କ ବ୍ୟତୀତ ଅବସରପ୍ରାପ୍ତ କର୍ମଚାରୀମାନେ ମଧ୍ୟ ଏହି ସୁବିଧା ପାଇବେ ।

ପୁରୁଣା ପେନସନ ଯୋଜନା (Old Pension Scheme) ର ଲାଭ ଉଠାଇବାକୁ ନୂତନ ନିଷ୍ପତ୍ତି ଅନୁଯାୟୀ ସରକାରଙ୍କ ଅର୍ଥ ବିଭାଗ ଦ୍ୱାରା ଜାରି କରାଯାଇଥିବା ଫର୍ମ ପୂରଣ କରିବାକୁ ପଡିବ । ଏହି ଫର୍ମ ପୂରଣ କରିବା ଓ ଜୁନ୍ ୧୫ ସୁଦ୍ଧା ଏହାକୁ ଦାଖଲ କରିବା ଆବଶ୍ୟକ । ଅର୍ଥ ବିଭାଗ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ ପୁରୁଣା ପେନସନ (OPS) ର ସୁବିଧା ଏଭଳି ଅନୁଷ୍ଠାନରେ ମିଳୁ ନାହିଁ । ଏହିପରି ଅନୁଷ୍ଠାନଗୁଡିକରେ ଜିପିଏଫ୍ ଲିଙ୍କ୍ ପେନସନ୍ ସ୍କିମ୍ କାର୍ଯ୍ୟକାରୀ କରିବାକୁ ନୂତନ ନିୟମ ପ୍ରସ୍ତୁତ କରି ଏକ ପେନସନ ପାଣ୍ଠି ପ୍ରତିଷ୍ଠା କରିବା ଆବଶ୍ୟକ । ଏହି ସଂସ୍ଥାଗୁଡ଼ିକୁ ପେନସନ ପରିମାଣ ରାଜ୍ୟ ସରକାରଙ୍କ ପିଡି ଆକାଉଣ୍ଟରେ ଜମା କରିବାକୁ ପଡିବ ।

ଯେଉଁ କର୍ମଚାରୀମାନେ ଏହି ଅନୁଷ୍ଠାନରେ କାମ କରିବା ପରେ ଅବସର ନେଇଛନ୍ତି ଓ EPF କିମ୍ବା CPF ରୁ ଟଙ୍କା ନେଇଛନ୍ତି । କିନ୍ତୁ ଯଦି ସେମାନେ ପୁରୁଣା ପେନସନର ଲାଭ ଉଠାଇବାକୁ ଚାହାଁନ୍ତି, ତେବେ ଏପରି କର୍ମଚାରୀମାନଙ୍କୁ ପୁରୁଣା ପେନସନ ପାଇଁ ବିକଳ୍ପ ଫର୍ମ ପୂରଣ କରିବାକୁ ପଡ଼ିବ । ଏହା ବ୍ୟତୀତ EPF କିମ୍ବା CPF ରୁ ପ୍ରାପ୍ତ ପରିମାଣକୁ ୧୨ ପ୍ରତିଶତ ସୁଧ ସହିତ ଜମା କରିବାକୁ ପଡିବ । ସମସ୍ତ କାର୍ଯ୍ୟରତ ଓ ଅବସରପ୍ରାପ୍ତ କର୍ମଚାରୀଙ୍କୁ ଜୁନ୍ ୧୫ ସୁଦ୍ଧା ପେନସନ ବିକଳ୍ପ ଫର୍ମ ପୂରଣ କରିବାକୁ ପଡ଼ିବ ।

ଅଧିକ ପଢ଼ନ୍ତୁ-ବୁଧଙ୍କ ରାଶିରେ ଗୋଚର କରିବେ ଶୁକ୍ର ଗ୍ରହ, ଏହି ୩ଟି ରାଶି ଉପରେ ବର୍ଷିବ ବିପୁଳ ଧନ!

ଅଧିକ ପଢ଼ନ୍ତୁ-ସରକାରୀ କର୍ମଚାରୀଙ୍କ ପାଇଁ ଖୁସି ଖବର: ସରକାର କଲେ ବଡ଼ ଘୋଷଣା, ୪ ପ୍ରତିଶତ ବଢ଼ିଲା ମହଙ୍ଗା ଭତ୍ତା, ଆକାଉଣ୍ଟକୁ ଆସିବ ମୋଟା ଅଙ୍କର ଟଙ୍କା

ଏହା ସହିତ ଜୁନ୍ ୩୦ ପର୍ଯ୍ୟନ୍ତ ଅବସରପ୍ରାପ୍ତ କର୍ମଚାରୀଙ୍କ ଜମା ଉପରେ ସୁଧ ଅର୍ଥ ବିଭାଗ ଦ୍ୱାରା ହିସାବ କରାଯାଇପାରିବ । ଅବସରପ୍ରାପ୍ତ କର୍ମଚାରୀମାନେ ଜୁଲାଇ ୧୫ ସୁଦ୍ଧା ସମ୍ପୂର୍ଣ୍ଣ ରାଶି ଜମା କରିପାରିବେ । ଆପଣଙ୍କୁ କହି ରଖୁଛୁ ଯେ, ଅଟଳ ବିହାରୀ ବାଜପେୟୀ ସରକାରଙ୍କ କାର୍ଯ୍ୟକାଳ ମଧ୍ୟରେ ପୁରୁଣା ପେନସନ୍ ସ୍କିମ୍ (OPS) ରଦ୍ଦ କରାଯାଇଥିଲା । ଆହୁରି ମଧ୍ୟ, ଜାନୁଆରୀ ୨୦୦୪ରୁ ଜାତୀୟ ପେନସନ୍ ସିଷ୍ଟମ୍ (NPS) ଲାଗୁ କରିବାକୁ ନିଷ୍ପତ୍ତି ହୋଇଥିଲା । ପ୍ରକୃତରେ NPS ହେଉଛି ଏକ ଅବଦାନ ଆଧାରିତ ପେନସନ୍ ସ୍କିମ୍ ଓ ଏଥିରେ ମହଙ୍ଗା ଭତ୍ତାର କୌଣସି ବ୍ୟବସ୍ଥା ନାହିଁ ।